萬千星輝賀台慶｜59歲劉美君fit爆露背演出 回巢與後輩合作無年齡界限

11月19號晚台慶夜大日子，眾多嘉賓響應重返TVB，其中一位重量級嘉賓就係已一段時間冇喺香港螢光幕上同觀眾見面嘅 劉美君 ，佢喺《聲夢好聲音》環節中，率領眾多後輩獻唱佢嘅經典金曲《愛是無涯》同《最後一夜》，令觀眾回憶返晒嚟呀。

中眾《中聲》同《聲夢》歌手同台演出
而一眾中聲及聲夢家族，好似古淖文German、周吉佩、張馳豪Aska、何晉樂分Rock分別以日文同中文獻唱《愛的故事上集》，彭家賢Zayden同冼靖峰Archie同樣以日文中文獻唱《衝動點唱》，而顏志恒Benson、譚輝智、劉威煌、陳俞霏，就以泰文同中文獻唱《失戀》。
兩代女歌手齊齊展示好歌喉

劉美君話自己好耐冇返嚟TVB，重臨有種好熟悉感覺，並透露因為志偉嘅邀請，所以立刻答應。劉美君受訪時仲喺鏡頭前顯露背部線條，分享佢一直keep fit之道就係做運動。
劉美君一口答應志偉而重返TVB演出

透過今次演出亦令佢認識咗呢班後輩，當知道佢哋嘅年紀時，劉美君笑言：「我下月60喇，覺得咁樣幾代一齊好warm。」正正係音樂無分界限嘅表現。

實力強橫嘅佢同一眾歌手一齊合唱