鍾舒漫鍾舒祺相隔十年再合體出歌 承諾下月將有驚喜送粉絲

鍾舒漫Sherman 與妹妹 鍾舒祺Sukie 喺2014年前曾推出合唱歌《SS14》，當時歌迷反應不錯，就連MV都拍咗4個版本，而為慶祝十周年，鍾氏姐妹將於年底推出《SS24》嚟回饋樂迷。
鍾舒祺Sukie 同 鍾舒漫 Sherman。兩姐妹 10年後再度合作出歌。
今次呢首《SS24》除咗由兩姐妹作曲外，仲搵嚟雷偉樂填詞、鍾舒祺老公李恆韜編曲。日前Sherman同Sukie喺跑馬地演出時，就率先演唱咗呢首歌，令fans們相當驚喜，仲高呼話等咗佢哋合體嘅新作好耐。對住熱情fans嘅訴求，鍾氏姐妹就話全部收到晒，仲透露將會以最fit狀態去拍MV，又承諾年尾將會帶畀樂迷一個驚喜呀。

鍾氏姐妹呢日喺跑馬地演出。