關楓馨捱義氣開金口獻唱獲好評 網民期待冼靖峰組合唱團出擊

見到冼靖峰(Archie)同關楓馨(Fabienne)同框嘅畫面，就令觀眾想起佢哋早前一齊夥拍薛家燕同三姐蕭秀香仲有阮浩棕一齊主持嘅節目《家常便飯爭霸戰》，Archie同Fabienne雖然廚藝普普通通，但唱歌就絕對稱得上優秀。

冼靖峰搵嚟關楓馨一齊合唱。

早前Archie推出新歌《勇氣》成績唔錯，呢日佢就誠意邀請埋Fabienne一齊喺車廂中Jam歌，兩人合唱呢首歌時好投契，雖然明顯睇出Fabienne表情有少少緊張，但都順利完成，而且呢個組合更獲得網民同粉絲大讚佢哋嘅聲音好夾，好鍾意呢個組合，期待二人可以有更多唱歌合作推出，又話Fabienne好有潛質做歌手。

網呢大讚關楓馨唱歌好聽。

選美出身嘅Fabienne鮮有開金口獻唱幫好友宣傳，真係有義氣，唱完佢自己都話：「真係需要好大嘅勇氣！但首歌咁正所以都要唱埋一份，快啲教我同陪我唱多啲。」似乎佢都有意向歌手夢出發喎。而Archie亦感激好友相助話：「今次係家常便飯組，其實認真 @tiffanyfabi肯開金口唱歌，都算係一種勇氣。」又讚美Fabienne嘅唱功。

家常便飯組
除此之外，有網友仲期待Archie組「勇氣合唱團」會有更多團員加入，仲有繁花組合elaine姐姐(姚子羚)，超星團組合丁丁(丁子朗)同團長Archie一齊合唱《勇氣》。其實Archie同Fabienne間中都會拍片介紹美食，估唔到今次首度挑戰唱歌咁受歡迎，我哋都期待佢哋更多合唱。