萬千星輝賀台慶｜林峯回巢壓軸演出網民投選金曲汪明荃帶觀眾重返少女時代玩回憶殺

《萬千星輝賀台慶》會喺11月19日晚假將軍澳電視廣播城隆重舉行，為慶祝無綫踏入57周年台慶，今年主題是「同一家人，與你前行」，接近300位合約藝人及昔日無綫藝人好友雲集電視城「回家」助慶。當中最觸目關注嘅台慶壓軸表演嘉賓亦隨之揭曉，佢就係TVB出身嘅林峯！

林峯將會現身今年台慶。
林峯今年憑電影《九龍城寨之圍城》人氣勁升，專登度期返娘家賀台慶，而TVB亦於網站順勢要發起點歌，截至今早(15號)中午前，網民心水歌單如下：《我又戀愛了》、《愛不疚》、《如果時間來到》、《反話》、《忘記傷害》、《愛在記憶中找你》、《幼稚完》及《愛在三千的宇宙》，當中最多網民想聽嘅林峯經典金曲係《愛在記憶中找你》，緊隨其後嘅係《愛不疚》。

大家會想聽林峯唱咩歌？
眼見網民反應熱烈，今晚將進行名為「我最喜愛的林峯金曲」投票，網民可喺《愛不疚》、《愛在記憶中找你》、《如果時間來到》、《反話》、《我又戀愛了》、《幼稚完》、《忘記傷害》、《愛在三千的宇宙》、《Chok》及《Nice》10首歌曲中，最多選出3首最喜愛林峯金曲，話唔定隨時可以喺台慶當晚聽到林峯獻唱。
阿姐都會有新搞作。