伍富橋再組隊毅行者32小時完賽 吳業坤休息半日今再跑機場三跑

今年再次參與毅行者慈善越野賽 嘅 伍富橋 同 吳業坤 ，星期六晚同兩位隊友成功以32小時53分鐘完賽，冒住風雨跑完全程長100公里嘅麥理浩徑，認真犀利。

Alvin同坤哥仲有兩位朋友再次完成毅行者比賽
比賽期間後Alvin同坤哥太太Shirley梁兆楹同浜口愛子，帶埋愛犬同豐富物資喺唔同檢查站支援，又安排即刻煮滾熱辣車仔麵比佢哋補充體力。相信佢哋幾辛苦都一定甜返晒喇，Alvin仲笑言知道老婆就喺檢查站等候，就自自然然會行快咗咁話。佢認為今年因為天氣關係，比過往賽程辛苦，滿地泥濘而多花唔少力氣同要加倍小心。

佢哋太太又組成支援隊為成員補及
隊友一直互相打氣，完成今年賽事，不過成績就略差過預期，原本希望可以突破去年成績以29小時內完成，但係打完風照樣成功完賽就已經非常開心喇。Alvin同估計同坤哥仲來年都會繼續參加，而大癲嘅係，坤哥僅休息半日，今日一早就又現身機場，參加三跑馬拉松比賽，真係電兔一樣有無限能源喎。

坤哥今朝一早又已經參加機場嘅展跑賽事，認真誇張