吳業坤爆愛妻跑步訓練成績亮眼 伍富橋被惡搞捲偷食風波：係死罪

吳業坤（坤哥）、伍富橋（Alvin）同釗峰呢日出席一個行山籌款活動記招，呢次更係坤哥同Alvin第二年參加100公里賽事，雖然坤嫂濱口愛子（Aiko）未有參與，不過坤哥爆愛妻訓練成績更為亮眼，坤哥指老婆以前打排球隊，擁有運動員嘅肌肉量。

坤哥同Alvin今年會再挑戰百公里行山賽

坤哥仲話太太耐力非常強勁
Alvin早前被人惡搞捲入背妻偷食風波，幸好Alvin得到老婆Shirley嘅信任，二人更將此事放上社交平台當笑料分享，Alvin呢日有回應呢個小風波，坦言係無中生有，冇諗過啲人當真，令Alvin有啲介意。
Alvin早前無端捲入偷食風波

Alvin認為偷食無論係男女同都係一個死罪，覺得此事好影響聲譽同形象。Alvin感謝太太Shirley信任，笑指自己每日見到太太嘅情況下，冇可能做到偷食，除非係時間管理大師！

近年沉迷越野跑嘅釗峰亦係嘉賓之一