獨家丨TVB動員新勢力拍攝賀年短片吸客 吳業坤胡鴻鈞係陳懿德小學偶像

眾星一齊拍攝新一輯賀年廣告。2024年即將完結，早前朱敏瀚、吳業坤、胡鴻鈞（Hubert）、鄺潔楹、丁子朗、莊子璇、黃婧靈、陳懿德、陳楨怡同廖家爵齊集遊走香港各區拍攝新一輯賀年廣告，齊齊送舊迎新，迎接新一年來臨。
佢哋走遍各區拍攝。
一眾人身穿喜慶服裝，又坐開蓬巴士，又去中環摩天輪下同觀眾拜年，由於進行拍攝時聖誕節都未到，咁早就拜年令一班街坊有啲驚訝，不過最緊要係大家開開心心，將歡樂帶畀觀眾。
睇到胡鴻鈞手上嘅錢錢，大家就知蛇年會賺大錢啦！
廣告主題要呈現青春活力一面，喺團隊中同樣係最高齡34歲坤哥同Hubert有啲心虛，特別係聽到德德話小學時已經睇《超級巨聲》，好榮幸可以合作，對兩位前輩簡直係重擊，坤哥唯有硬住頭皮話在座各位係好快上位嘅同事，但佢同Hubert均捱咗好耐。呢個時候朱敏瀚即衝出嚟救駕，指今次拍攝班底勝在夠新鮮，最緊要幫TVB搵多啲廣告，最好就係原班人馬上陣拍攝。
咁有型得唔得㗎？
莊子璇 黃婧靈 同大家一齊迎蛇年。