電台頒獎禮舉行記者會 聲夢小將中聲唱將各有期許

臨近年尾幾大電台亦紛紛準備年度頒獎典禮，呢日其中一個頒獎禮記者會，就邀請咗大班歌手出席，其高層仲指決意要抹甩外界認為嘅「分豬肉」形象。

呢日一批歌手齊齊參與電台頒獎禮記者會
呢日 鍾柔美 詹天文 潘靜文 張馳豪 孫漢霖 黃奕斌 等《聲夢》成員都有出席，佢哋仲指新人年已經過去，所以要更加努力於樂壇發展，亦期望推出作品智得到樂迷鍾意就最開心喇。火雞同Aska仲叫今年入圍新人獎嘅Hugo要俾心機加油呀。
火雞仲為入圍新人獎嘅Hugo打氣，令大家都忍唔住大笑

而《中聲》嘅唱將 周吉佩 同 羅啟豪 呢日亦有參與，吉吉仲話希望喺唱作方面會受到嘉許，而Ramon就話要多謝一眾Fans一直以來嘅落力支持喇。
吉吉指自己希望有機會得到同唱作有關嘅獎項

Ramon就話感激歌迷一直以來嘅支持喇

至於被視為女歌手金獎熱門之一嘅 李幸倪 同 泳兒 一齊受訪時，就指如果得獎係對自己極大鼓舞，又指自己心態未算太緊張咁話。

Gin Lee被指有力爭奪女歌手金獎