巾幗梟雄之懸崖｜胡定欣預告結局充滿淚水 陳楨怡製芋泥燕麥值300蚊？

台慶劇《巾幗梟雄之懸崖》，下星期將踏入結局篇，劇情越嚟越緊湊，觀眾亦都睇得好肉緊，呢日 胡定欣 陳曉華 羅天宇 陳楨怡 謝雪心 康華 莊思明 等等一齊出席宣傳活動兼大玩遊戲。佢哋仲同大家大劇透，定欣指喺劇集海報上，可以揾到一啲玄機，唔知心水清嘅觀眾又發唔發現到一啲珠絲馬跡呢？不過，定欣就話下星期劇情絕對係充滿淚水，所以絕對唔可以錯過呀！

《巾幗》成員再次出動宣傳
莊思明亦話收到劇本時，都無諗過姊妹情係咁深厚，所以佢話送七爺入醫院做手術一幕，大家都忍唔住真情流露。
又喺現場玩遊戲如眾同樂

定欣預告結局篇將會非常感人

至於陳曉華除咗大爆劇情之外，仲大爆鏡頭後嘅楨怡整甜品真係有一手，尤其佢出品嘅芋泥燕麥超有水準，天宇仲話相信攤檔賣300蚊一碗都有人買，結果就被陳曉華鬧係渣男，認真搞笑。

Hera指陳楨怡廚藝非常唔錯