羅天宇陳曉華向難度挑戰唱紅蝴蝶 獲觀眾好評推舉參加中年好聲音

台慶劇《巾幗梟雄之懸崖》今個星期進入結局周，黎耀祥飾演嘅柴十七同胡定欣飾演嘅七爺情義相存，並肩作戰，今個星期會有更多精彩情節。除咗兩位嘅起伏吸引觀眾之外，劇中嘅韋豪(羅天宇Joey Law飾)同桂花香(陳曉華Hera飾)呢對CP亦成功跑出，嗰份甜蜜溫馨感覺嚟得好自然，又有新鮮感，因此大受觀眾歡迎。

Joey同Hera呢對CP喺《巾幗》表現不俗
天宇同Hera成為熱捧CP後，兩人更接捧演繹劇集經典歌曲《紅蝴蝶》，兩人上載影片留言話：「韋豪與桂花香的紅蝴蝶大家喜歡嗎？世間什麼愛叫純潔，你甘願化振翅紅蝴蝶最後一個禮拜啦。」順道為劇集宣傳結局周。
近日佢哋拍片合唱插曲《紅蝴蝶》，為結局篇宣傳

唱歌片段公開後，獲眾多網民同觀眾激讚，天宇嘅聲線完全有潛質做歌手，而鮮有公開獻唱嘅Hera亦配合得好好，特別係演唱副歌時，而天宇嘅和音則發揮得淋漓盡致，引嚟網民稱讚「羅天宇唱和音原來咁勁」、「原來你哋兩個唱歌唱得咁好聽，真係對你哋另眼相看」、「好好聽呀，係我覺得現時最好聽嘅合唱版本！」更有人提議天宇去參加《中年好聲音》。
Joey嘅歌喉亦獲唔少網友讚好

其實早前祥哥同定欣都合唱咗呢首歌曲，兩人仲希望可以有機會登台合唱，今次天宇同Hera則唱出另一種韻味，兩個合唱版本都好有新鮮感，天宇同Hera更多謝音樂老師Horace Mui 幫忙制作呢個版本。此外，天宇一直對音樂路都好有熱誠，曾經獻唱過不同劇集歌曲，早年更被公司委派組成限定男團組合《SUPER TIGER》。
劇中三角感情另一主角陳楨怡都留言讚好

《巾幗梟雄之懸崖》結局篇 星期一至五晚 20:30 翡翠台