梁詠琪獲委任保育大使宣守護訊息 一家愛熊貓恨如盈盈樂樂誕龍鳳胎

大熊貓盈盈同樂樂早前誕下一對龍鳳胎，BB Panda嘅一舉一動不時都喺網上成為熱話，呢日 梁詠琪 就以「保育大使」身份出席海洋公園保育日嘅啟動禮，加入成為守護野生大熊貓同佢哋棲息地嘅行列，又分享自己對保育大熊貓嘅睇法。

梁詠琪以保育大使身份宣傳保育同環保意識
GiGi指經常同囡囡Sofia到海洋公園探望朋友一樣嘅熊貓，Sofia仲將熊貓形容為「Fur Ball」（毛球）笑言做父母非常辛苦，仲話自己都想生龍鳳胎。GiGi又指係盈盈、樂樂同安安、可可嘅Fans：「佢哋社交平台好利害，有十幾萬粉絲。」
唔止話同囡囡Sofia都係熊貓Fans，仲指羨慕佢哋嘅龍鳳胎呀

而獲委任為保育大使嘅佢，又呼籲大家要好好保護環境同動物：「大家要要好好保護唔同物種，環保亦都好重要，多節約用水，少開冷氣，我自己就會多用風扇。仲有唔好用咁多塑膠，我已經好耐冇用一次過性塑膠，社區教育好緊要。」

Gigi認為環保同保育對往後發展非常重要