台慶感謝祭丨楊茜堯首玩獎門人遊戲 洪天明曾贏2萬件花之戀壽司澄清冇獨食

獎門人曾志偉返嚟喇！呢次《獎門人台慶感謝祭》由楊茜堯、楊卓娜同林夏薇帶領黑色月光隊，對戰苗僑偉（三哥）同洪天明等組成嘅獎門人鐵腳組合，齋睇陣容已經夠晒精采，最估唔到呢次係茜堯首次玩獎門人遊戲。

今次竟然係楊茜堯首次參加《獎門人》遊戲
茜堯笑指主力係派何廣沛佢哋出去迎戰，笑指希望幫佢哋帶到啲幸運，坦言有啲緊張，聽講啲遊戲節目好難搞，林夏薇話有好多新遊戲冇玩過；節目拍攝當日係馬貫東生日正日，壽星仔有晒心理準備玩game收到「忌廉大禮」。
不過見佢啜乒乓又似模似樣喎

天明過去曾喺節目表現亮眼，獵走不少獎金獎品，更有指累積贏得超過兩萬件花之戀壽司，天明澄清當年並冇獨食，第一晚已派晒出去。三哥笑稱自己冇機會去台慶，身邊嘅天明即笑指係三哥唔嚟，三哥話嚟台慶感謝祭都叫有參與台慶節目。

贏過兩萬件壽司嘅洪天明，呢日同老婆仲有幾位老友一齊出戰