龔嘉欣獲營商藝人大獎 難忘開業初期撞正疫情爆發

龔嘉欣 近年進軍飲食界，除咗喺馬來西亞投資火鍋店，上年仲開埋甜品舖，生意越做越旺，唔止賺到盆滿缽滿，仲獲得「亞洲卓越營商藝人大獎」，平時做藝人見慣大場面，嘉欣話估唔到上台領獎都會緊張，話晒係第一次攞營商方面嘅獎，但就係一個好好嘅鼓勵。

近年經營唔同生意嘅Katy，呢日獲一個營商獎項
不過其實嘉欣嘅營商路並非一帆風順，佢都曾經遇過艱難時刻，當初投資大馬火鍋店，撞正疫情爆發，雖然過程中好大壓力，不過都係一個好嘅經驗。
佢仲話投資大馬火鍋店之後遇到疫情，承受唔少壓力

嘉欣又要做幕前工作，又要經營好盤生意，需要復出嘅心力同時間絕對唔簡單，好彩身邊有好多貴人相助：「呢啲貴人每一個都有佢地擅長嘅地方，佢地都好唔吝惜將佢地識嘅嘢教我。」嘉欣謙虛話已經喺營商呢條路上仲有好多嘢要學習。