龔嘉欣拍新劇出入墳場濕濕碎 同陳豪跳洗腦神曲解鎖視帝舞技

龔嘉欣除咗演技好，喺保養方面都好有研究，唔講唔知，原來佢下個月就要踏入35歲，呢日嘉欣出席一個護膚活動，大方分享保養心得，嘉欣話因為年紀唔細，所以越來越注重護膚，唔可以再偷懶咁話。
龔嘉欣下月將踏入 35歲。
喺啱啱過去嘅TVB節目巡禮2025，其中一套重頭戲，就係嘉欣同黎耀祥主演嘅《香港探秘地圖》，嘉欣話自己都係當日先第一次睇到劇集片段，覺得好精彩，雖然因為拍攝需要去到墳場，難免會覺得恐懼，不過只要ㄧroll機就唔識驚，會即刻投入角色。
嘉欣話同黎耀祥拍完《香港探秘地圖》後，變得大膽咗好多。
嘉欣日前仲同另一位視帝陳豪一齊直播大跳洗腦神曲《APT.》，好多人睇過之後都大讚阿Mo好有舞蹈細胞，連嘉欣都以「被演員耽誤嘅舞王」來形容阿Mo，嘉欣仲預告，下一次打算叫埋黎耀祥一齊跳，大家可以拭目以待。
龔嘉欣日前同陳豪大跳洗腦神曲。