萬千星輝賀台慶｜廖家爵曾文心獲全體藝人票選 獲全台力撐潛質男女藝人

TVB一直致力培育新星，今年《萬千星輝賀台慶》中亦表揚新星，設立全台幕前藝人票選「全台力撐潛質男、女藝人」獎，喺一眾新人演出完「值得被看見的凡星」環節後，譚俊彥同張振朗現身台上，先後宣布獎項得主。

譚俊彥同張振朗宣佈得獎者，佢仲示意Owen要俾兩位新人企C位，非常暖心

宣布「全台力撐潛質女藝人」得主嘅張振朗話「佢拍呢套劇嘅時候同我講佢爸爸已經走咗，咁我同佢講不如喺劇入面你當我係你半個哥哥，又或者喺戲外面你都當我係你半個哥哥，我希望可以幫到你，你今日大個女啦!」當佢宣布曾文心得獎時，曾文心經已哭成淚人。文心感激一眾前輩對自己嘅提點，佢亦多謝振朗拍劇時對佢嘅照顧教導。

曾文心知到結果後哭成淚人

過往扮過多個唔同角色
另外譚俊彥宣布「全台力撐潛質男藝人」得主係廖家爵前，佢話「有一日入到間廠，係醫院場景，佢要演嘅戲就係，我爸爸病咗，佢就嚟唔得，佢嗰日演得好好。因為行番出嗰廠度，佢同我講，我爸爸真係病咗，佢真係就嚟唔得，但佢好敬業完成咗每一個鏡頭。」同時間家爵經已滿臉淚痕，連觀眾席嘅曾志偉都被感動。
廖家爵被譚俊彥提起亡父時泣不成聲

廖駿雄(左二)5月病逝

手握人生首個演藝獎項，家爵好激動，佢話拍嗰場戲當日正正感受到角色嘅經歷，當時心情好徬徨，好感激阿Shaun當日嘅陪伴同指點，問到個獎係咪想獻畀爸爸廖駿雄時，佢雙眼通紅點頭。