大專學生製作本土首AI偶像 「Vi」出首作冀成唱跳歌手

近年AI技術發展快速，唔少新款手機都已經加入強勁嘅人工智能技術，好似今年TVB台慶序幕由蔡思貝扮演汪明荃「重返」60年代嘅片段就係一例。而原來自2021年起， 香港知專設計學院嘅 數碼媒體學系 ，就已經著手開始發展虛擬偶像製作，實驗相關嘅尖端技術應用。

AI歌手Vi推出首支歌曲
累積接近4年經驗之後，今年6月19仲推出最終版本虛擬歌手「Vi」，喺學院年度畢業展開幕禮亮相，仲同知名音樂人「同台」演出。
Vi誕生自香港知專設計學院嘅數碼媒體系

Vi更加係職業訓練局旗下音樂品牌嘅首位加盟歌手，Vi指希望成為一位唱跳型格歌手，更已開始建立社交平台記錄自己嘅歌手之路。第一首演唱作品 《點線面對撞》亦已正式公開。
Vi希望成為跳唱歌手

Vi由AI技術誕生，所以同一般歌手一樣，社交平台有圖有片，亦可以郁動跳舞唱歌。學生團隊花大量心血於細節上，令Vi有齊面部細微表情。而  《點線面對撞》則由學院6位音樂學生共同創作、Oscar Lee填詞、謝國維監製。希望各界接納自己同所有由點、線、面構成嘅唔同形態。

Vi嘅出現令樂壇再有新面貌