獲忠粉舉辦七爺展覽 胡定欣為大家獨家直擊

胡定欣 嘅粉絲趁台慶劇《巾幗梟雄之懸崖》大結局前，就自發舉行七爺展覽，呢日定欣仲做埋限定主持，為我哋獨家直擊成個展覽，呢個展覽將會展出劇中七爺好靚嘅畫像，呢啲相片都係由粉絲精心投票挑選出嚟嘅，等大家可以回顧一下七爺好靚嘅造型。

Fans為定欣扮演嗁七爺舉行長覽
定欣仲話完成呢個展覽，都打算攞呢啲畫像返屋企收藏呀，見到粉絲咁用心去搞呢個展覽，定欣都話好感動，除咗一啲好靚嘅相之外，粉絲更發揮佢哋嘅美術天份，製作咗各式各樣嘅應援物，好似有鎖匙扣、扣針，明信片，銀行信用卡、七爺紙巾、仲有七爺嘅帽子，定欣話粉絲每次出席宣傳活動，亦都會戴上呢頂帽打氣，真係好有心思啊。
現場佈置非常有心思

而劇集即將大結局，定欣都話有啲唔捨得，加上呢段追劇日子，粉絲都會捕捉每場最難忘嘅畫面，喺社交平台分享，見到粉絲對呢個劇咁投入，定欣都覺得係好大嘅支持。至於會唔會再拍續集？定欣就搞笑話好攰架﹗

定欣仲話《巾幗》接近結局，自己已經開始唔捨得喇