陳豪現身馬場活動示範特調雞尾酒 Aimee名貴手袋在手阿Mo唔覺貴

陳豪 鄭秀文 曾比特 JC陳詠彤 等早前應邀參與一個馬場活動，幾位歌手為現場賓客分別獻唱，令氣氛非常熱鬧。而阿Mo雖然未有唱歌，不過就以佢最有研究嘅沖咖啡顯身手，佢最認為自己呢日有如一個調酒師一樣，為嘉賓調製唔同雞尾酒喇。

陳豪呢日出席馬場活動，為賓客調製唔同雞尾酒
阿Mo仲指連太太 陳茵媺 都一樣鍾意由佢調配嘅唔同飲品，不過當問到有冇考慮將得意之作命名時，阿Mo就幽默反問話將飲品改名做Aimee再賣出去，不失係一個好主意呀。而早前佢哋夫婦嘅一張合照，見到Aimee手上價值近60萬嘅手袋，呢日阿Mo就型爆話唔好講價錢，最緊要係錫老婆，事關有Happy Wife就有Happy Life啦嘛。

Aimee早前開心曬名貴手袋，老公阿Mo就大讚物有所值