夫妻的博弈丨高海寧被「心機女」郭柏姸搶另一半 何廣沛與馬國明爭女鬥唔贏

馬國明、高海寧（高Ling）、張頴康、郭柏姸、陳曉華同游嘉欣等呢日喺深圳出席新劇《夫妻的博弈》開鏡活動，高Ling呢次挑戰演出重生題材嘅作品，無論係造型同人物關係上均有唔同版本要演繹，難怪高Ling高呼關係好複雜。

馬國明同高海寧呢日出席新劇開鏡。
高Ling喺新劇有好多唔同造型，由一開始唔識打扮，後來得到游嘉欣幫助，學習悉心打扮，而郭柏姸呢次要搶高Ling另一半，又要挑戰貓眼妝化身心機女去害人。游嘉欣今次嘅角色比較爽朗型格，唔係齋行甜美路線。
今次劇集以重生為題材。
馬明、高Ling同鄧智堅合作不禁令人諗起《新聞女王》嘅「佐治黨」，不過拍新劇未必係同一陣線，鄧智堅指今次會打壓高Ling，反而跟張頴康臭味相投，主要喺office搞吓破壞！
鄧智堅、張頴康、馬國明、何廣沛。
何廣沛笑言喺總監製鍾澍佳嘅作品下，自己嘅角色都係偏愛姐姐，始終係爭唔贏，何廣沛話馬明同張頴康太犀利，鬥唔贏佢哋，惟有自動棄權！