薛家燕犧牲休息時間推廣搭車站App 與呂奇多次合作聞死訊未能證實真偽

薛家燕 近日拍攝新廣告，宣傳港鐵為長者、聽障同視障人士推出嘅應用程式。家燕姐提到早喺40多年前就曾為地鐵通車宣傳，呢日仲現場公開當年舊照，家燕姐仲搞笑話估唔到連自己額上嘅招牌癦一樣隨住歲月有唔少變化呀。家燕姐搞笑話自己嘅招牌癦45年來越生越大，近年仲有毛髮生出。

家燕姐呢日重溫當年鐵路通車嘅宣傳照
家燕姐話今次廣告係方便一眾唔太方便嘅朋友，認為對需要協助嘅朋友非常重要，所以決定犧牲原定由加拿大返港嘅休息時間接拍，拍完仲即刻飛去吉隆坡工作，雖然辛苦不過就覺得好有意義喇。
雖然拍攝令佢休息時間減少，不過佢就認為意義重大

粵語片男星 呂奇 傳出4月已離世嘅消息，當年曾同奇哥合作多次嘅家燕姐，就指已十多年未有聯絡，所以難以證實消息。佢話當年曾有劇集希望邀請奇哥出山，不過當時對方就未有應允，仲指樂得生活平靜，仲叫家燕姐去台灣一定要見面。

提及呂奇被傳已離世嘅消息，家燕姐話已十多年未有聯絡，未能證實