甄子丹點讚新一代演員好有火 與家人夾Band被女兒嫌棄跳老舞

甄子丹 呢日現身一個電影節開幕禮，推動年青一代嘅創作，佢希望籍此可以同新一代交流更多關於電影創作同思維，吸取更多年輕人概念。近日子丹喺新戲中本色演出由頭打到尾嘅畫面曝光，連場動作戲睇到大家好緊張，而另一個亮點就係 MC張天賦 ，聽聞係子丹點名搵MC合作，佢更大讚後輩有潛質，話成班年輕人好有火，合作得好開心。

甄子丹日前參與一個電影節開幕禮
子丹一對子女都遺傳咗父母嘅才華，阿仔對打功夫好有天份，細細個學跆拳道好快就考到黑帶，玩巴西柔術又好快上手，但覺得阿仔未別想向呢方面發展，佢反而鍾意電影音樂，更爆囝囝經常會將佢演出嘅電影音樂拆散重組。
同子女關係緊密嘅佢，仲提到乖仔非常有動作天份，不過就更鍾情於音樂

而女兒甄濟如Jasmine早前宣布正式入行做歌手，之前囡囡多次演出都全家總動員撐場，子丹話佢哋一家人間中都會夾Band玩音樂，但就被阿女嫌棄經常跟唔上拍子，又笑佢跳老舞唔侵佢玩。不過每當子丹見到舞台上嘅囡囡時，就覺得同私下性格好大反差，因為平日阿女好文靜唔多出聲，上到台係另一個人，自己有時都唔認得個女。

提到寶貝女甄濟如Jasmine時，佢仲指阿女一上到台就好似另一個人咁非常有自信