吳文忻爸爸下月舉殯 家人公告喪禮安排

正積極抗癌嘅前港姐吳文忻Nathalie（現名吳忻熹），其父吳朱榮於今個月9號突然猝逝，Nathalie今日（24號）於社交平台post出訃聞，公告吳父喪禮安排。
吳文忻公告父親喪禮安排。吳爸爸本月頭突然猝逝。
Nathalie喺帖文中表示，將於12月1日為父親設靈，翌日上午10時出殯。Nathalie又表示將會把爸爸生前所畫嘅畫作，輯錄成相片予親友認購：「各位親戚朋友，爸爸喪禮將會在12月1日下午5時設於寶福山紀念館4B設靈！🙏到時我會把爸爸生前所畫嘅畫，輯錄成相片給大家選擇除（隨）心認購以作留念，隨後會安排送遞。所有款項會以作帛金留待媽媽處理！🙏」

吳文忻同爸爸感情甚好。吳文忻同爸爸感情甚好。

吳父退休後回流返港後，被星探睇中邀請拍攝廣告，從此開展演藝之路。講得一口流利英文嘅吳父，更曾於在香港取景嘅美劇《Expats》中，飾演妮歌潔曼嘅老爺。
吳爸爸於美劇《Expats》中，飾演妮歌潔曼嘅老爺。