劇接劇有望做一姐陳曉華不認輩份升呢 《異空感應》越級挑戰一人分飾兩角

新劇《異空感應》周一(25號)播出， 陳家樂 陳曉華 何沛珈 阮浩棕 龔慈恩 等開播前出席宣傳活動，作為女主角嘅陳曉華可以話係劇接劇播出，活動上更被拍檔叫佢做阿姐，搞到佢即時話唔敢當：「我係妹妹，其實我係2字頭，未到30歲，輩份都仲係妹妹。」

陳曉華又有新劇推出，《異空感應》中佢同陳家樂、阮浩棕仲有何沛珈等合作
Hera又話唔覺自己被力捧做一姐，反而好緊張點樣宣傳新劇，呢部作品係Hera兩年前拍攝，認為自己當時演技仍然幼嫩，仲要一人演兩個性格，佢都話挑戰好大，拍嘅時候要做好多功課。呢兩個角色一個長髮一個短髮，一個好沉鬱、一個就好開朗，拍攝時間又好緊湊，要幾分鐘內轉換狀況，所以要好專注先可以完成拍攝。

Hera指新劇中一人扮演兩個性格，對兩年前嘅佢係一大考驗

而家樂就覺得最難係要記住唔同時空當中嘅邏輯，以免做錯反應。 活動上另一焦點當然係阮浩棕同Roxanne呢對緋聞情侶﹐有傳兩人係因為拍呢部作品拍出愛火，不過佢哋話劇中兩人冇咩交集，阮浩棕反而劇中對陳家樂暗中有傾慕之情。 阮浩棕透露拍攝火場戲時，唔小心燒燶眼睫毛，作為緋聞女友嘅Roxanne未有覺得心痛，反而啱啱先知道，佢嘅回應就令阮浩棕非常無語喇。

阮浩棕同Roxanne傳緋聞，不過就話拍攝時無乜特別交集咁話喇

龔慈恩同陳嘉輝飾演Hera同彭翔翎既父母，龔姐都大讚兩個哎吔囡囡活潑，透露何遠東會不時亂入放笑彈，令劇集增添溫情元素。

龔姐同陳嘉輝會扮演Hera同「紅衣女鬼」彭翔翎嘅父母