破．地獄｜破9千萬票房子華有望再成破億男星 坦言低估票房當眾向觀眾道歉

熱映嘅港產片《破．地獄》因為令人反思嘅深層內容，上映以來口碑不絕，星期日累積票房已衝破9000萬大關，主角 黃子華 並暫時放低舞台劇排練，回歸謝票行列感謝觀眾對港產片支持，仲提到話低估咗香港觀眾嘅踴躍，自己估算票房只係目前嘅一半數字，所以謝票時直言呢日係向觀眾道歉。

子華星期日加入謝票行列，仲為低估票房公開道歉
因為票房成績突出，之前導演 陳茂賢 花盡心理血剪接嘅加長版本，可能亦有機會乘勢推出。子華又提到早前接受黃金拍檔 鄭裕玲 訪問時，亦曾即場提出再次合作，更叫陳茂賢協助研究新劇本。
子華有望繼《毒舌》之後再一次成為破億票房男星

子華繼《毒舌大狀》票房狂收後，新作仲有望再次破億，成為兩部過億票房電影男主角，一洗當然當年票房毒藥嘅稱號。至於新鮮熱辣嘅金馬影后 鍾雪瑩 亦有參與《破．地獄》演出，扮演子華嘅得力助手Suey，齊齊由婚禮策劃轉任殯儀行業，子華就笑言係《破．地獄》夠晒旺之故咁話喇。

大家都對有份演出《破》嘅鍾雪瑩榮封金馬影后非常高興