星光路上｜黎耀祥視劉青雲圈中唯一深度好友 談柴九封帝前後到柴十七人生起跌(下集)

視帝 黎耀祥 喺節目《星光路上》上一節，向主 潘盈慧 罕談患有社恐，到下集呢節講到入讀TVB藝員訓練班至今同佢相識近40載嘅好友劉青雲，兩人畢業後合作過多部劇集，至今仍然會私下聯絡交流心底話，在娛樂圈中祥哥唯一深度好朋友就只得青雲一位。

黎耀祥當年《娛樂插班生》嘅演出令人捧腹
細數祥哥過往經典劇集，當然唔少得佢扮演羅文嘅《娛樂插班生》、扮演朱豬八戒嘅《西遊記》以及《巾幗梟雄》系列。講起模彷羅文嘅最初，原來祥哥早已視羅文為偶像，無論聲線同神情都捕捉得好高像真度，當年佢仲主動向監製提議帶入歌聲令觀眾認識角色，訪問期間祥哥更興起啍兩句，即刻好有畫面。另外，祥哥可以話得係完美演釋角色豬八戒嘅多情同鬼馬一面，憶起拍攝時最深刻係化妝同要隨身手持九齒釘鈀，若果現在有人搵佢重演角色，祥哥絕對會婉拒，就讓經典留作最美回憶。
《西遊記》入面嘅豬八戒鬼馬又多情

去到《巾幗梟雄》系列必定係祥哥人生轉捩點，由2009年憑角色柴九封視帝後一直紅到現在，祥哥憶述當年並無想過做男一，只係有劇就拍，最初劇集亦唔係重頭劇，但後來收視竟然由首播到大結局升咗十點，大家開始關注黎耀祥同柴九，將角色同現實人生作相比，加上劇中金句「人生有幾多個十年」，真係好觸動人心，獲獎之後佢先真正踏上男一之路，亦正正人生如戲一樣。
柴九令祥哥榮登視帝

雖然《巾幗梟雄之懸崖》已經圓滿落幕，但另一個競賽即將開始，就係年度觸目盛事台慶頒獎禮，祥哥曾以儲印花論比喻演戲人生，佢話好多人都儲緊印花，唔知祥哥對今年視帝競逐信心如何呢？佢更送上成功嘅座右銘俾大家。

當年嘅柴九令人印象深刻