蔣家旻成婚後生日與夫日本慶祝 返港再約千雪杏賢姊妹共聚

蔣家旻 9月於日本同幕後製作人成婚，自始一眾「2Line黨」成員都已經全部出嫁，當時一眾成員包括最近宣佈於加拿大成為地產代理嘅張嘉兒 朱千雪 湯洛雯 同 岑杏賢都齊齊飛到當地見證Angel出閣，之後到10月中岑杏賢生日，大家又一齊集合為佢慶祝，姊妹情非常深厚。

初為人婦嘅蔣家旻日前以大露背裝參與台慶
今個月10號正式踏入35歲嘅Angel，早前已喺社交平台分享過慶祝生日嘅小片段，以相片估計，似乎就係同新婚丈夫再到日本甜蜜慶祝喇。日前Angel返港參加台慶盛會，當日容光煥發大騷白滑美背。
早前嘅相片估計佢同新婚老公同遊日本慶祝

Angel同任職電視製作嘅老公9月結婚

而到月底慶祝依然未完，因為Angel再公開佢同千雪仲有Jennifer為佢慶祝嘅相片，兩位媽媽送上蛋糕為佢慶祝，非常溫韾。

近日再同朱千雪、岑杏賢兩位好姊妹慶祝