尋夢琴澳｜譚俊彥胡定欣合唱劇集歌 預告突破演出劇情有趣

啱啱擺低「七爺」身份嘅 胡定欣 好快就會同 譚俊彥 林夏薇 陳展鵬 等喺電視電影《尋夢琴澳》再同大家見面，早前定欣就同Shaun為新作嘅合唱歌曲錄音，定欣仲話監製提出時非常驚喜，仲係佢哋首次合唱，難怪定欣都話非常期待喇。

定欣早前為呢首合唱歌錄音，仲話心情非常期待
定欣又提到，歌曲《靈魂人物》非常切合新作佢哋呢對夫妻嘅生活同發展，所以更容易投入錄音呀。過往曾唱過唔少劇集歌嘅佢又話，今次歌曲相對易唱易上口，不過要正式錄音對自己仍係一個大挑戰呀。
Shaun就指自己對曲風唔熟悉，所以要請教一對子女喎

平時一向對音樂都非常有興趣嘅Shaun，今次就多得一對子女提供大量意見，相信觀眾都會喜歡。雖然今次同定欣分開錄音，不過Shaun就話希望往後可以同台演出，仲爆佢哋夫妻都會有同過往唔同嗁破格有趣演出呀。

佢仲話今次同定欣扮演一對夫妻，劇情同過往大家印象有唔少分別