陳豪南京出活動又為太太買包包 丁丁爆偷帶李權哲出門夜遊香港

陳豪 同 丁子朗 兩代型男日前現身南京，應邀為商場活動擔任嘉賓，又同現場Fans玩遊戲，阿Mo教行Catwalk，而丁丁就教大家跳《亞洲超星團》嘅歌曲《閃耀/Shining》。

阿Mo同丁丁呢日喺南京出席商場活動
阿Mo早前先被爆豪買60萬名貴手袋俾愛妻，此行亦再被發現為Aimee去名店買禮物，真係名副其實嘅愛妻號。受訪時佢仲直言，錫老婆係天字第一號守則，價錢只要負擔到就冇問題喇，身邊嘅丁丁聽到都笑不攏嘴，似乎對阿Mo嘅言行非常祟拜。
阿Mo更被發現收工就為Aimee買包包

同丁丁一齊參加超星團嘅 李權哲 早前曾喺同一地點舉行活動，仲話早前到北京時曾約老友見面，而權哲來港時亦帶對方低調出遊，更爆要瞞住對方公司偷偷出門呀。
好友李權哲亦曾於同一場地舉行活動，丁丁就爆出曾偷帶對方出門玩嘅笑料喇

曾合拍《執法者們》嘅佢哋，呢日就提到當時合作戲份太少，希望往後有機會一齊演出，丁丁仲話阿Mo係TVB嘅人稱教科書，所以非常想跟對方學嘢呀。

佢哋又提到希望有機會再喺戲劇上合作