黃曉明刪認愛帖文惹分手疑雲 與葉珂負面新聞影響新戲票房

內地男星黃曉明自從宣布同網紅葉珂拍拖後風波不斷，女方頻頻爆出整容、失言等負面新聞，搞到黃曉明要喺自己嘅新戲發佈會鞠躬道歉，不過最新消息指黃曉明嘅微博已經刪除當初嘅認愛貼文，疑似二人已分手。

黃曉明

黃曉明自從同前妻Angelababy離婚後，對感情事相當低調，從未正式承認戀情，直至今年九月，黃曉明霸氣喺微博出post「抱歉占用公共資源，大家別猜啦，我們在一起了。」並且直接標註葉珂，不過11月28日就有網民發現，黃曉明已經刪除呢個認愛post，二人嘅71日短命戀似乎已宣告終止。
黃曉明新片受負面新聞影響，票房慘淡。
查實大部分網民對黃曉明分手都抱持正面態度，事關黃曉明新戲《戴假髮的人》受到負面新聞影響，11月16日上映之後，一星期票房收入唔夠400萬人民幣，票房慘淡，套戲上映短短9日就由院線下架，據知套戲成本破億，今次電影公司可以話係血本無歸，不過網民就覺得黃曉明即時停損係一個正確決定。
認愛Po已經消失咗。
而黃曉明為呢套戲都落咗少工夫，唔止減肥15kg，仲主動剃頭扮演禿頭，同以往玉樹臨風嘅熒幕形象大相逕庭，不過黃曉明為戲嘅努力付出，遠不敵八卦新聞嘅殺傷力，搞到黃曉明為戲宣傳時一臉憔悴，仲要為私事處理不當鞠躬道歉，不過種種行為依然救唔到票房，唔怪得黃曉明日前接受訪問時會講出以下呢番說話：「我不知道你有時候，有沒有覺得你自己的人生真的很不堪的時候，特別希望這次是一場夢。」
葉珂