51歲韓國男神鄭雨盛未婚做老竇 盛傳曾做親子鑑定堅持不婚

頂流韓星鄭雨盛公認係元祖美男，出道30年以嚟只承認一次戀情，甚少桃色緋聞，被封為演藝圈嘅黃金單身漢，噚日居然被爆已為人父，有傳文佳菲今年3月順利誕男嬰，鄭雨盛親自為兒子改胎名；事緣文佳菲前日突然喺IG公開母子相慶祝35歲生日，雖然未有透露阿仔生父係邊個，噚晚鄭雨盛宣布做爸爸，更強調去年知道女方懷孕，為守護呢個珍貴生命，負擔起所有父親嘅責任。

文佳菲前日突然喺IG公開母子相慶祝35歲生日，雖然未有透露阿仔生父係邊個，噚晚鄭雨盛宣布做爸爸。
文佳菲喺社交平台貼出抱住小朋友嘅相，並指喺屋企人嘅祝福下，安靜地度過懷孕期，起初佢覺得要守護珍貴嘅「東西」，應該要收埋，後來文佳菲認為做咗人母，為咗享受更平凡嘅幸福而鼓起勇氣講出嚟，等小朋友喺充滿愛嘅健康幸福環境生活。希望以後同小朋友一齊有更多新體驗。

鄭雨盛強調去年知道女方懷孕，為守護呢個珍貴生命，負擔起所有父親嘅責任。
據韓媒《10asia》報道聲稱文佳菲公開生仔原因係被鄭雨盛激嬲，有傳二人最近因小朋友養育同結婚問題等溝通出現分歧，據傳文佳菲想結婚，畀小朋友一個家，但係鄭雨盛卻態度強硬，堅稱「不能結婚」。

據傳文佳菲想結婚，畀小朋友一個家，但係鄭雨盛卻態度強硬，堅稱「不能結婚」。
據知文佳菲喺2022年於聚會上認識鄭雨盛，一直保持聯絡並成為情侶，去年6月文佳菲懷孕，並將消息告知鄭雨盛，有知情者向韓媒透露文佳菲同鄭雨盛只係見過幾次面，連拍拖都稱唔上，冇幾耐文佳菲就懷孕分娩，鄭雨盛做完親子鑑定後仍堅持不婚，只打算畀養育費同生產費用。

據知文佳菲喺2022年於聚會上認識鄭雨盛，一直保持聯絡並成為情侶，去年6月文佳菲懷孕，並將消息告知鄭雨盛。
鄭雨盛做老竇惹嚟不少傳聞，其經理人公司亦承認其榮升爸爸嘅消息，「雖然並非結婚為前提交往，仍然一齊討論產後調理及生產醫院嘅事宜」。 文佳菲喺2017年以節目《魅力TV》出道，曾於《Get it beauty》、《叢林的法則》等節目亮相，文佳菲擁有深邃五官時常被誤會係混血兒，曾與Hip Hop歌手Jimmy Paige拍拖，沉寂2年復出即投下為鄭雨盛產子嘅消息。

鄭雨盛做老竇惹嚟不少傳聞，其經理人公司亦承認其榮升爸爸嘅消息。