唐詩詠麵包舖開張眾星到賀 湯洛雯為懷孕傳聞親自解畫

唐詩詠同朋友合資嘅麵包舖正式開張，獲大批圈中人到場支持，包括曾志偉、黃日華、導演葉念琛、鍾鎮濤、麥玲玲、何遠東、余安安、陳豪、楊茜堯、麥美恩、周奕瑋等，方力申同鄧麗欣呢對昔日情侶，亦有前後腳到場支持。就連要趕去內地工作嘅陳敏之，都拉埋行李篋嚟撐場，令詩詠相當感動，仲開心到即場向敏之獻吻。

唐詩詠新店開張。

一眾好友嚟撐場。

湯洛雯呢日亦代表老公馬國明，同鐵馬家族嘅林子善一家，以及劉穎鏇一齊來支持詩詠，靚湯因為近排少咗更新社交平台，惹來有喜傳聞，呢日佢亦有親自解畫少post相嘅原因。

湯洛雯親自回應懷孕傳聞。
呢日開張仲有成龍、吳卓羲、邱淑貞同老公等送花籃支持，而陳豪唔止人到，連禮物都準備周全，就係為詩詠嘅新舖提供咖啡。阿Mo近期除咗忙工作，仲要陪仔女溫書準備考試，果然係24孝好爸爸。

陳豪 楊茜堯
茜堯近日傳出同老公羅子溢為咗提升運程，搬到西貢嘅風水屋，茜堯就話大家諗多咗，不過佢就話好期待可以參與嚟緊嘅萬千星輝頒獎典禮。

Stephy同方力申前後腳到場。
原來詩詠今次新店開張，周奕瑋亦有份出力，事關詩詠嘅麵包有日籍師傅主理，作為日本通嘅Jarvis事前都有陪佢做資料蒐集，佢仲大贊詩詠凡事都親力親為，非常難得呀！
唐詩詠 余安安