異空感應丨阮浩棕讚陳家樂靚仔吸引變亮眼CP 將向陳曉華展開追求關係複雜

TVB熱播劇《異空感應》演員陳曉華（Hera）、阮浩棕、譚凱琪及羅毓儀等呢日一齊出席宣傳活動，飾演女幹探嘅Hera，以劇中Mary造型登場，畀人一種生人勿近嘅感覺，現實中嘅Hera不時帶畀劇組歡樂，阮浩棕仲爆Hera因拍呢套劇多咗一個花名。

陳曉華 阮浩棕
阮浩棕笑指有一日拍劇，陳家樂行埋嚟講Hera好似一個卡通人物姆明，Hera解釋自己皮膚好白、又眼大、髮型又齊蔭，佢都認自己有啲似，結果劇組都改嗌Hera做「姆明」，Hera喺生日當日仲收到一隻姆明公仔。
陳曉華畀大家起咗個花名叫「姆明」。

Hera、阮浩棕同家樂嘅顏值得到網民高度評價，而阮浩棕同家樂呢對CP成功入屋，劇中互動引起唔少討論，阮浩棕讚陳家樂靚仔吸引，亦估唔到大家有咁大迴響，更預告將有更複雜嘅關係，阮浩棕喺劇中將要追求Hera，仲有另一條感情線。

吳沚默 羅毓儀