任劍輝逝世35周年晚宴匯聚群星 96歲白雪仙精靈現身懷緬故友

粵劇名伶任劍輝眨眼間逝世35周年，喺日前舉行嘅「任劍輝女士逝世35周年紀念晚宴」就有多位名人出席，白雪仙、胡楓、陳寶珠同兒子楊天經以及新抱吳文珊、姜大衞及李琳琳夫婦、梁安琪、前廣播處長張敏儀、馬海倫、陳善之、盧海鵬、陳美齡、陳曦齡及丈夫謝德富、連炎輝、資深傳媒人汪曼玲等，場面熱鬧。 

仙姐同大家有講有笑，仲摸吓修哥面仔。

紀念晚宴每5年舉辦一次，每次會向座上客送贈別出心裁嘅紀念品，而呢一次大會所準備嘅禮物就係一支精緻髮簪，並內藏一張寫有「紫釵寄夢不尋常」嘅語句。資深傳媒人汪曼玲喺社交平台貼出多張相片，見大家喺呢晚除咗懷緬任姐生前風采，以及回顧同仙姐昔日合作點滴之外，呢年更有藝術家周俊輝繪畫23張以任白經典劇目《帝女花》嘅劇照作為慈善義賣，令任姐嘅大愛精神生生不息傳延開去，幫助更多有需要人士。 

粵劇名伶梅雪詩（阿嗲）、嚴納珍、資深傳媒人汪曼玲、陳美齡、修哥胡楓

至於，同任姐合作無間嘅仙姐，雖然已年屆96歲，亦甚少公開露面，呢晚見佢精神奕奕同大家合照，又有拎咪發言幾句，同大家有講有笑，仲摸吓修哥面仔，相當精靈！仙姐嘅健康狀況相當唔錯啊！

呢一次大會所準備嘅禮物就係一支精緻髮簪，並內藏一張寫有「紫釵寄夢不尋常」嘅語句。盧海鵬、陳寶珠、阿嗲、連炎輝姜大衞及李琳琳跟仙姐閒聊！仙姐雖然已年屆96歲，精神奕奕同大家合照，又有拎咪發言幾句。已故賭王何鴻燊太太梁安琪亦有出席。陳寶珠、兒子楊天經以及新抱吳文珊。馬海倫、胡楓、姜大衞