黑色月光丨蔣基俊報仇失敗墮樓慘死 林夏薇被馬志威箍頸鏡頭後唱歌搞氣氛！

台慶劇《黑色月光》即將迎來大結局，劇情進入最高潮，故事講到蔣基俊（馬志威飾）得知卓慧雲（林夏薇飾）係陷害自己嘅幕後黑手，於是捉佢上天台報仇，準備掟佢落街，不過千鈞一髮之際，鄺永源（馬貫東飾）衝出嚟英雄救美，二人一陣肉搏後，蔣基俊最後墮樓慘死。

台慶劇《黑色月光》即將迎來大結局，劇情進入最高潮。
呢場夜晚喺天台拍攝嘅肉搏戲，本身氣氛好緊張，不過薇薇就一路搞笑，仲借用堂哥林峯嘅大熱歌曲將自己嘅台詞「放手」唱出嚟，「放手～放開所有」，一埋位被馬志威箍頸，薇薇即刻又展現出視后級演技，七情上面表現得非常肉緊。

薇薇一路搞笑，仲借用堂哥林峯嘅大熱歌曲將自己嘅台詞「放手」唱出嚟。
之後馬貫東同馬志威「雙馬」上演天台MMA，仲要變換唔同角度，拍完一次又一次，而每個鏡頭都要出現嘅薇薇，亦好認真咁不停畀反應。

蔣基俊得知卓慧雲係陷害自己嘅幕後黑手，於是捉佢上天台報仇。
由於喺天台拍攝，仲要喺圍牆邊上演高難度打鬥戲，所以劇組做足安全措施，為三位演員吊晒威也，最後場墮樓戲大功告成，大家都鬆返一口氣。

呢場仲有馬貫東同馬志威「雙馬」上演天台MMA！