戲迷公主陳寶珠專程捧場睇粵劇 入後台為後輩打氣給予鼓勵

陳寶珠一生與粵劇有不解之緣，出身自粵劇世家，14歲那年成為粵劇名伶任劍輝同白雪仙嘅徒弟，寶珠姐近年過住養尊處優嘅半退休生活，閒時睇吓粵劇，戲迷公主寶珠姐前晚現身西九戲曲中心大劇院，睇全新編寫嘅劇目《秦淮瑣月》，專程入後台贈言，為擔演女主角程瑣月嘅梁非同打氣。

陳寶珠非常欣賞梁非同，到場欣賞更親入後台打氣。

梁非同在台上舞姿揮洒自如，觀眾非常喜愛。
梁非同飾演一代歌姬程瑣月獲觀眾讚賞，寶珠姐亦專程捧場，中場休息更入後台見梁非同，為呢位後輩打氣，更喺耳邊細細聲鼓勵，同時金牌監製劉家豪與梅小青對於該劇目讚口不絕。對於今次《秦淮瑣月》幾位主角，家豪哥就話：「一定要點名讚非同， 佢演瑣月，簡直係鎖住觀眾嘅心，一出場就驚艷。今次係新編故事，劇情都係唔錯，三角感情交錯，兩個男主角令人喜歡。」

陳寶珠對梁非同這位後輩非常愛錫。梁非同飾演一代歌姬程瑣月舞姿優美，觀眾大讚造型驚艷。梁燕飛演申婉香出車出場,遇見賣花女梁非同。陳寶珠後台探班,梁非同（左一）.吳美英（右二）及黎耀威（右一）親迎接。