黑色月光結局丨余滿月掌摑卓慧雲大快人心 林夏薇展現瘋癲演技衝擊視后寶座

TVB台慶劇《黑色月光》嚟到大結局，由楊茜堯飾演嘅滿月上演一場終極復仇戲碼，令唔少觀眾都話大快人心！呢場戲講到林夏薇飾演嘅卓慧雲陥入萬劫不復境地，加上知道出賣佢嘅人係另一半由王浩信飾演嘅成風。

林夏薇飾演嘅卓慧雲陥入萬劫不復境地，被王浩信出賣。
慧雲掌摑成風後，滿月再出場大大巴咁打落慧雲，為咗拍出呢場戲嘅張力，劇組特別動用360度圓形路軌，務求多角度捕捉最真實表情，三位主角事前好好培養情緒。

慧雲掌摑成風後，滿月再出場大大巴咁打落慧雲。
茜堯大讚呢場戲拍得相當爽，因為劇中從未向復仇對象慧雲出手，呢一巴掌可以話係出番啖氣。戲外同薇薇老友鬼鬼嘅茜堯當然有錫住老友，自評係認真得來又精準地出手。

戲外同薇薇老友鬼鬼嘅茜堯當然有錫住老友，自評係認真得來又精準地出手。
薇薇喺呢幕中要表現被最信任嘅情人出賣，情緒崩潰到聲嘶力竭，成功發揮出瘋癲演技，佢分享演出時嘅難度，除咗顧及表情，劇中嘅薇薇係一位高跟鞋愛好者，去到邊都以一身華麗裝扮出現，大騷美腿要腳踩超高嘅高踩鞋，即使落難都唔例外，一邊要注意表情一邊要顧住平衡，搞到佢話自己好似特技人一樣呀！

薇薇喺呢幕中要表現被最信任嘅情人出賣，情緒崩潰到聲嘶力竭，成功發揮出瘋癲演技。