歡樂滿東華2024丨劉穎鏇練大隻單人匹馬拉小巴 羅浩銘挑戰拉18噸巴士

一年一度慈善大騷《歡樂滿東華2024》喺12月7日（星期六）晚上8點喺無綫電視翡翠台現場直播，每位藝員進行排練最後階段，劉穎鏇同羅浩銘為慈善出力，劉穎鏇練大隻單人匹馬拉小巴，而羅浩銘挑戰拉18噸巴士，佢哋都大嗌好重！
羅浩銘讚劉穎鏇好勁。
劉穎鏇搵小巴。

羅浩銘讚劉穎鏇好厲害，第一次嚟試嗰陣見架車係完全唔郁，劉穎鏇為呢個項目不斷練習，綵排咗幾日，慢慢掌握最強發力點；羅浩銘亦有上網睇資料，見人哋拉18噸巴士，通常係三百幾、四百磅嘅大力士先做，羅浩銘平時有做健身，心諗應該得嘅，點知試嗰時先知發力係完全唔同，佢感謝公司不斷push大家有唔同嘗試。
羅浩銘為拉郁巴士，成個人谷到紅晒。
另一廂見張馳豪（Aska）、冼靖峰（Archie）搵黃奕斌（Hugo）一齊練習，原來佢哋有份同一眾年輕藝員歌手孖薛家燕同譚耀文演出大型歌舞，家燕姐仲突擊檢查小鮮肉練習進度，大家都打醒十二分精神，跳得似模似樣。
家燕姐同眾人練舞。家燕姐同眾人練舞。家燕姐同眾人練舞。