異空感應｜陳曉華為拍劇考車牌晒真材實料 黎澤恩見對手駕駛技術高超感慚愧

陳曉華（Hera）喺劇集《異空感應》中飾演女警角色，幾乎每集都同犯人有追逐場面，喺第10集嘅開端，Hera就揸車帶隊追捕飾演黑社會黎澤恩（Ronny），幾架車喺導路上風馳電掣，場面逼真。

陳曉華喺劇集《異空感應》中飾演女警角色，有不少飛車場口。
見Hera駕駛技術唔錯，早前更被陳家樂爆佢係女車手，原來Hera係專登為咗拍劇去考車牌，謙稱自己距離車手有仲有好遠，但對比最初開工時，的確係熟手咗好多，並憶起最初時嘅揗雞情況。

Hera駕駛技術唔錯，早前更被陳家樂爆佢係女車手，原來Hera係專登為咗拍劇去考車牌。
平時玩音樂同演戲對Ronny嚟講算係輕鬆駕馭，講到親身揸車上陣拍攝，對Ronny都係一大挑戰，佢話自己雖然有車牌好耐，但就唔太熟手，見到Hera手車咁犀利，自己都好慚愧，笑言幸好可以做到今次訪問，大家安然無恙。

Ronny見到Hera手車咁犀利，就話自己都好慚愧。
拍攝當日雖然陽光充足，但原來當日氣溫係好凍，Hera同Ronny能夠保持瀟灑造型，全靠服裝同事幫忙。