阮浩棕擔心玩遊戲暴露獸性 許文軒不適獲麥美恩暖心關懷

TVB新劇《異空感應》演員陳曉華、阮浩棕、譚凱琪、樊亦敏、胡渭康同羅毓儀呢日拉大隊錄影《大師兄又到聖誕感謝祭》，呢次佢哋對手就係腦筋急轉彎兼口齒伶俐嘅台慶MC隊，不過「異空感應隊」冇將對手放喺眼內，仲自創口號壯大士氣。
阮浩棕 陳曉華

羅毓儀
樊亦敏爆男主角陳家樂忙住湊女，陳曉華就話家樂喺佢哋個心裡面，而阮浩棕笑指家樂唔係精英，佢嘅心情仲有啲緊張，擔心玩遊戲嗰陣暴露「獸性」，相反一向淡定嘅台慶MC隊陸浩明、朱凱婷、陳懿德、周奕瑋、許文軒及鄭衍峰，就對玩遊戲攞獎品信心在握。
樊亦敏
朱凱婷封鄭衍峰係體能擔當，原來有個遊戲要抱起周奕瑋，而周奕瑋笑指大家睇少咗佢嘅體重，稱可能重過德德20磅；許文軒呢日戴眼鏡上陣，皆因佢唔舒服都頂硬上，麥美恩更事前叫周奕瑋頂替許文軒玩「彈遮遮」，身邊嘅隊友即起哄話係愛呀！
大師兄05.jpg台慶MC隊：許文軒、陸浩明、朱凱婷、陳懿德、周奕瑋及鄭衍峰