陳曉華升呢女一緊張收視籲睇新劇 一原因未敢為朱敏瀚織溫暖牌？

陳曉華 憑《巾幗梟雄之懸崖》嘅桂花香一角大受歡迎，連各大商戶都好鍾意佢，呢日佢喺商場現身一個聖誕活動，就極有節日氣氛。Hera同樣有份主演嘅新劇《異空感應》剛登場，所以一講到聖誕節嘅安排，Hera就已經有晒計劃，打算相約朋友開派對之外，亦一齊睇大結局。 

Hera劇集一部接一部，事業發展非常唔錯

雖然忙，不過Hera話已經約好朋友聖誕齊齊睇新劇結局

Hera指自己讀書時已愛上勾織玩意，呢個興趣到依家都仍然繼續，最近佢仲同朋友挑戰勾蛋撻鎖匙扣，但係對自己嘅手藝信心不大，被問到有冇諗過織溫暖牌送俾朋友時，佢就即刻卻步：「我啲朋友係陳瀅、劉佩玥，唔會想佢哋戴住穿窿頸巾出街。」至於提起緋聞男友朱敏瀚有收過，佢就即時大耍太極，仲向主播 潘盈慧 撒嬌避談。

Hera事業得意，愛情亦發展唔錯，不過呢日一提起朱仔佢就有啲怕醜