賴慰玲與好姊妹陳瀅蔡思貝揭曉第二胎BB性別 何雁詩陪兒子美國治病後回港

圈中好友陳瀅、蔡思貝Sisley、賴慰玲Winki、何雁詩Stephanie、陳嘉寶Anjaylia同吳嘉熙Cheronna組成嘅SIXTERS不時會一齊聚會，悲喜都會一同分享。

38歲Winki早前宣布懷有第二胎，特別喺生B前，同好友搞咗個Party公布bb性別。
現年38歲Winki早前宣布懷有第二胎，一班好姊妹當然戥佢開心啦，Winki預產期在即，特別喺生B前，同好友搞咗個Party公布bb性別，以及為12月生日嘅吳嘉熙預祝生日。從相片同片段中見到有藍色同粉紅色氣球，一班好友自行選攞咩色嘅氣球，最終由Winki囝囝作最後揭盅，結果藍色紙碎一地，代表第二胎都係囝囝。

一班好友自行選攞咩色嘅氣球，最終由Winki囝囝作最後揭盅。
一眾好姊妹為12月生日嘅吳嘉熙預祝生日。

喜訊揭開後，Winki留言：「我係一早知道BB性別，但我班老Best成日望住我個樣估得好開心，我就決定玩Gender Reveal Party，由小劍手親手揭曉。我真係一直都好口密，點知喺即將要揭曉前嘅3秒，我做咗全世界最值得取笑嘅事，個氣球拎高啲先睇到啲藍色紙碎跌落嚟㗎嘛！」Winki多謝各位契爸爸契媽媽再推高個能量值，扮唔知咁⋯好驚喜咁⋯揭曉咗啦﹗感激SIXTERS一齊見證美好時刻。

Winki畀一班老Best估吓BB性別！
Anjaylia亦出Po上載照片留言：「你是我們六個裡最會照顧人、讓人安心的。I m blessed to have you five.這是最棒的gender reveal我們 SIXTERS都要幸福。」何雁詩早前同老公鄭俊弘Fred帶同患有天使綜合症兒子Asher到美國進行治療，何雁詩早已預告自己會先行回港工作，而老公則繼續在美國陪伴兒子，今次現身好友Party一齊分享喜悅，相信日內便會投入工作。

一齊玩Gender Reveal Party，由小劍手親手揭曉！

唔少網民之前都估佢生B女！