與天地對話｜蔡思貝相約幕後團隊睇首播 以沙漠玫瑰比喻自身堅毅不屈精神

台慶綜藝《與天地對話》 蔡思貝 嘅部分星期一播出，Sisley相約幕後團隊打住邊爐睇首播，呢次旅程Sisley去到神秘嘅索科特拉島探索，佢仲喺外型奇特嘅龍血樹下露營，對怕黑嘅Sisley嚟講算係一個挑戰。

Sisley於節目中透露自己壓大過大曾出現幻聽
Sisley亦打開心扉，回憶起自己童年嘅創傷﹐睇返節目時都令佢怕醜又尷尬，Sisley仲形容節目中嘅沙漠玫瑰能夠代表現時佢嘅崗位，係堅毅、惡劣環境之下爭氣生存開花，呢點最能觸動到Sisley。
亦已接近一年未有新劇演出

Sisley負責嘅部分會分三集播出，旅程中佢透露唔少經歷得到感悟，令佢解開多年來嘅心結，佢都好期待呢個內容播出，尤其係自己獨自對鏡頭拍攝嘅一幕令佢最深刻，期間節目組為佢送上一個大驚喜，殺佢一個措手不及，相信節目會令觀眾有所共鳴。

於當地敞開心窗亦令佢可以更真誠面對自己