異空感應｜Hera極多打鬥場面搞到周身瘀 爆家樂阮浩棕曖昧有粉紅泡泡

懸疑新劇《異空感應》啱啱開始播出，監製 王心慰 同劇中演員 陳家樂 陳曉華 阮浩棕 譚凱琪 魯振順 文雪兒 陳少邦 等就相約一齊晚飯再欣賞劇集首播。而女幹探Hera今次仲有唔少打鬥場面演出，佢就話係拍劇以來最辛苦嘅一次，唔止之前要提前上堂受訓，拍攝時仲搞到周身瘀傷。

女幹探Hera指自己劇中嘅動作戲搞到周身瘀傷
自認柔弱嘅Hera又話經歷新劇3個月拍攝之後，相信自己成長唔少，變得更加硬朗呀。而身為犯罪心理學家嘅家樂同法醫阿Nic，同Hera之間就有一後非常複雜嘅關係，而家樂仲話同阿Nic曖昧到被認為係一對，Hera仲認為呢一對演得非常自然仲帶住愛慕眼神呀。

而家樂同阿Nic之間嘅關係，聽佢哋講真係有唔少可疑之處家樂近年作品一部接一部，最近就憑《紮職3》提名金蓮花獎最佳男配角，家樂就話非常高興獲得肯定，而身為新手爸爸嘅佢，仲話一攰就會狂Loop寶貝女嘅相同片充電，仲日日都唔願出門口，唔捨得同囡囡分開，仲話囡囡一見到戴住眼鏡嘅男士，就會誤認係自己咁話。

新手爸爸家樂指每日出門都會唔捨得寶貝女

《異空感應》中呢個嬲字有唔少糾纏