何超蓮影壇處女作獲何家人出動撐場 老公竇驍撐老婆拒回應婚變傳聞

賭王千金何超蓮跨足影壇嘅處女作《多想和你再見一面》喺澳門舉行首映，超蓮、曾志偉、此沙、劉亦淳等出席之外，返到何家嘅地頭澳門，何家人當然要來撐場啦，超蓮媽咪陳婉珍、雙胞胎細佬何猷啟、超蓮老公竇驍、家姐何超雲同未婚夫Douglas，兩位家姐何超瓊、何超鳳及梁安琪有來撐場。

賭王千金何超蓮跨足影壇嘅處女作《多想和你再見一面》喺澳門舉行首映。
對於第一次喺大銀幕上見到自己嘅樣，超蓮覺得好尷尬，戲中飾演佢爸爸嘅曾志偉大讚超蓮好有天份，之前超蓮曾透露係佢親自邀請志偉哥演爸爸角色，初初就慘食檸檬，志偉哥搞笑話拒絕原因係「因為我以為做何鴻燊嘛！後尾先知唔係」。

何家人當然要來撐場！
超蓮今次會同內地型男此沙譜出一段異地戀，此沙話同超蓮合作愉快，超蓮日日會為大家準備小食，志偉哥即搞笑話對超蓮來講魚翅鮑魚就係小食。

超蓮今次會同內地型男此沙譜出一段異地戀，此沙話同超蓮合作愉快。
至於，同此沙有冇親密戲份，二人就大賣關子，叫大家入戲院搵答案，不過超蓮話唔擔心老公會呷醋。至於外界屢屢質疑佢同竇驍婚姻生變，超蓮就以只談電影為由拒絕回應。

至於外界屢屢質疑佢同竇驍婚姻生變，超蓮就以只談電影為由拒絕回應。