張艾嘉失落金馬影后不感可惜 透露年邁母親已出院

張艾嘉 呢日出席新書分享會兼宣傳新戲，更同影迷近距離交流，片中演員 劉奕兒 亦有現身。呢次嘅新戲係講述母女關係，張姐話最難演係要戲中忍住唔喊，因為佢覺得一個人遇到一場意外，第一個反應未必係喊，反而佢想將內心嗰種痛演繹出嚟，而呢個先係最考功力。

張艾嘉指新片演出極考功力
張姐演技無容置疑，雖然早前失落金馬獎影后，但佢就話唔覺得可惜，反而佢覺得好輕鬆，張姐表示：「我好希望後生一輩出嚟攞獎，我覺得係好事，因為我對自己嘅演戲好有信心，我覺得觀眾唔會因為我無攞影后而覺得我做得唔好，所以我從來無將得失睇得太重，如果睇得太重，我覺得好難做咁多年電影。」
張姐同劉奕兒近日來港宣傳新戲

而講到張姐年屆97歲嘅母親，上月不慎跌倒，佢透露媽媽已經出院回家，由於媽媽年事已高，稍一留神就會跌人倒，令佢相當擔心，所以張姐話都要花多啲時間留意媽媽嘅狀況。

張姐指雖然失落金馬獎，不過自己未有失望，更慶幸年輕一輩得獎