Energy神秘打扮現身時尚活動 台北棒球隊長陳傑憲拖太太曬恩愛

蔡康永 Energy 施柏宇 仲有奧運男雙羽毛球金牌拍檔 王齊麟 李洋 仲有新鮮奪得世界棒球12強冠軍嘅台灣隊長 陳傑憲 等名人明星，齊齊參與台北一個時尚活動。東山再起紅爆嘅Energy呢日一齊以型格打扮現身，而坤達就指一眾成員係以神秘風格現身喇。

Energy話佢哋呢日嘅打扮係以神秘為主題

奧運男雙羽毛球金牌拍檔王齊麟同李洋都有現身
近來因為投入演出新作，所以甚少出席公開活動嘅施柏宇，呢日同劉奕兒一齊踏上紅地氈，佢仲指新作中自己由中學生演到大學，仲大讚現場Fans嘅熱情可以抵抗寒流咁話呀。
施柏宇同劉奕兒一齊現身活動

因為外貌同 吳奇隆 有幾分相似，被戲稱為「四爺」嘅陳傑憲，呢日同太太綺綺拖實現身，除低球衣以另一形象同大家見面嘅四爺，原來都要歸功老婆為佢安排打扮，四爺就話聽晒老婆話，夠晒恩愛呀。

帶領中華台北棒球隊以4比0擊敗日本嘅陳傑憲同太太襯到絕出現