最索人妻陳煒素顏賀老公生日 分享咀嘴相放閃幸福滿瀉

陳煒同醫生老公陳國強結婚兩年，夫婦恩愛到痺，即使工作點忙都好，仍會抽時間享受二人世界，陳醫生仲不時為太太影老公視覺嘅泳衣靚相，喺網上派福利。

陳煒同醫生老公陳國強結婚兩年，夫婦恩愛到痺。
每逢重要日子，兩口子更加係悉心為對方慶祝，好似煒哥上月生日，就收到老公送上大束粉色鮮花，仲有寫上「Honey生日快樂」嘅蛋糕。

素顏嘅煒哥就將自己變成禮物送畀老公，喺網上放閃光彈。
踏入12月就輪到陳醫生生日，素顏嘅煒哥就將自己變成禮物送畀老公，喺網上放閃光彈，分享一張情深望住老公咀嘴嘅甜蜜相，捧住生日蛋糕嘅陳醫生就冧爆望鏡，煒哥仲寫上「this day-Birthday」。

陳醫生仲不時為太太影老公視覺嘅泳衣靚相，喺網上派福利。陳煒於2022年9月與任職醫生嘅陳國強結婚，榮升靚靚人妻。