洪永城大女生日辦恐龍派對 梁諾妍將阿女禮物轉為愛

眨吓眼，洪永城（Tony）同梁諾妍（Inez）嘅大女「Sir Face」洪靖嵐（Amber）踏入3歲，Tony同太太當然要開生日會慶祝啦！Inez搞咗以恐龍為主題嘅派對，仲有魔術表現同波波池玩，氹得壽星女同一大班小朋友玩得開心。

洪永城同老婆梁諾妍為大女開生日會以恐龍為主題。
Tony同太太分別出帖文分享感受：「時間真係過得太快，你係一個好特別嘅女仔，當人哋萬聖節要做Elsa，你就話要做巫婆。而你又特別鍾意Baby Shark同恐龍，只係上年生日主題已經係Baby Shark ，咁今年就恐龍啦～我覺得自己真係好幸運，有一個好懂事嘅女兒，仲識照顧返妹妹。」

3歲大女「Sir Face」Amber相當可愛，表情多多。
佢哋又寄語同Sir Face一路學習，願阿女繼續做健康快樂寶寶，父母最大心願就係佢開心。Tony同Inez感激所有小朋友同父母到嚟參與，更多謝各位父母送禮物之餘，仲慷慨捐錢作為Sirface生日禮物，佢哋希望呢份善心，由細教導兩位女兒去幫助更多有需要嘅人同小動物。

大女Amber特別鍾意Baby Shark同恐龍。大女Amber開心玩波波池。大女Amber好錫細妹Beryl。洪永城女兒非常愛笑，外貌盡得爸爸的強大基因。

大女Amber有參與變魔術環節。

洪永城同太太梁洛妍生咗兩個女兒Amber及Beryl。Amber一出世就係Sir face。