迪麗熱巴企C位主持亮燈儀式 周也吉娜分享新年願望

迪麗熱巴呢日以品牌全球大使身份，與周也、于適、鄧為、余景天、張雨霏、吉娜等藝人現身上海，為一個聖誕活動進行亮燈儀式，熱巴企正喺C位主持儀式，睇得出品牌對佢有幾咁重視。

迪麗熱巴係品牌全球大使，呢次聖誕活動就被安排企正C位喇
仲有十幾日就到聖誕節，熱巴話有樣嘢就同呢日嘅聖誕氛圍相當搭，至於講到新年願望，熱巴表示平平安安、健健康康就好喇。

行開甜甜少女風嘅周也，穿上淡雅綠色長裙到場，頓時增添咗一份成熟嘅輕熟女感覺，同樣講到新年願望，佢就話希望明年一切順利、平安。
周也呢日一改少女風，以氣與優雅打扮出現

而升級成為品牌珠寶大使嘅吉娜，見到現場嘅佈置感到相當夢幻同溫馨，又指自己係人生第一次見到咁大嘅薑餅聖誕樹，至於佢嘅新年願望，就係祝福大家都聖誕、新年快樂，健康同大家嘅夢想都可以成真喇。