劉德華紅館演唱會12.17展開20場跨年演唱 中環展現壁畫打卡牆

天王劉德華繼順利完成東南亞巡迴及內地巡迴等共52場演出後，今個月17號將重踏闊別6年嘅紅館舞台，展開20場跨年演唱，與fans共度聖誕、新年佳節。為迎接演唱會來臨，贊助商與本地藝術家皮忠合作，以華仔演唱會海報為藍本，喺中環荷李活道創作演唱會主題壁畫，讓市民同Fans打卡，預先感受演唱會氣氛。 

華仔今個月17號將重踏闊別6年嘅紅館舞台，展開20場跨年演唱，與fans共度聖誕、新年佳節。

華仔早前休息咗一段時間，連日來已為個唱展開排練，包括歌曲及舞蹈綵排，完全投入狀態之中。而香港演唱會內容同之前52場有啲唔同，華仔今次20場所選唱嘅歌曲大部份以廣東歌為主，坦言每場演出都一樣緊張，首次唱三面台，相信同歌迷互動氣氛可以更集中。 

華仔早前休息咗一段時間，連日來已為個唱展開排練，包括歌曲及舞蹈綵排。

演唱會舉行在即，為凝聚一股演唱會熱，本地藝術家皮忠用大膽嘅冷暖混色同其標誌性筆觸，以狂野筆法勾勒的抽象音樂元素融入華仔嘅肖像，呼應演唱會主題，同時係極具視覺衝擊力嘅作品，主題壁畫由即日起至2025年1月2號中午12點喺中環荷李活道74號PMQ對面展現。 

華仔今次20場所選唱嘅歌曲大部份以廣東歌為主。贊助商與本地藝術家皮忠合作，以華仔演唱會海報為藍本，喺中環荷李活道創作演唱會主題壁畫。

一向行善最樂嘅華仔，將不接收任何花籃，呼籲各方友好將呢份心意化作善心，捐款去「劉德華慈善基金」，大家欣賞演唱會之餘，可以幫到有需要嘅人士，一舉兩得。演唱會將準時晚上8點15分開始 ，除夕晚12月31號將會延至晚上9點30分先開show，觀眾記得準時入場。

華仔坦言每場演出都一樣緊張，首次唱三面台，相信同歌迷互動氣氛可以更集中。